Psa 116 | ZomZIV | STEP | TOPA in ka aw hong za-a; lainat ding ka ngetna hong za ahi manin amah ka it hi.

Psalms 116

1 TOPA in ka aw hong za-a; ^a
lainat ding ka ngetna hong za ahi manin amah ka it hi.
2 Amah in a bil kei lam hong ngat ahi manin, ^b
ka nuntak sungteng amah ka sam ding hi.
3 Sihna khauhualte in kei hong vial a, ^c
hankhuk ^{▼▼ 3 Hebrew in Hallelu Yah} lunggimnate ka tungah hong tungin;
lungkhamna le dahna in hong zogawp hi.
4 Tua ciangin TOPA min ka sam a: ^e
“TOPA aw, hong hon in!” ka ci hi. ^f
5 TOPA , hehpih siamin thumaan a; ^g
eite Pasian khuatuahna tawh a dim hi. ^h
6 TOPA in mi nunnemte dal hi;
ka kisap mahmah ciangin hong hon hi. ⁱ
7 Ka hinna aw, TOPA nang tungah hoih khin ahi manin ^j
khatvei tawldam kik in. ^k
8 TOPA aw, nangin sihna panin ka hinna na hu a, ^l
khitui panin ka mit hu-in
muktukna panin ka khete na hukhia hi;
9 tua in a nungtate gama TOPA mai-ah ^m
ka pai theih nading ahi hi.
10 Ka um hi; tua ahi ciangin, ^{▼▼ 10 Ahikeh tua ciang nangawn in ka um a}
“Ka thuaksia mahmah hi,” ka ci hi.
11 Ka cihmawh manin,
“Mi khempeuh zuauphuak hi,” ka ci hi. ^o
12 TOPA kei tungah a hoihna khempeuh
bangci ka thuk thei ding hiam?
13 Hotkhiatna hai domto in
TOPA min ka lo ding hi. ^p
14 Ama mite khempeuh mai ah
TOPA tunga ka kiciamna ka tangtungsak ding hi. ^q
15 TOPA muhna ah
a misiangte sihna manpha hi. ^r
16 TOPA aw, nangma nasem ka hi taktak hi; ^s
keimah na nasem, na nasemnu’ ^{▼▼ 16 Ahikeh na nasempa, na tapa muanhuai} tapa ka hi hi;
ka sikkhainiangte panin kei nong khahkhia hi. ^u
17 Lungdamkoh biakna nang kong pia dinga, ^v
TOPA min kong lo ding hi.
18 Ama mite khempeuh mai
TOPA inn huang sung - ^w
19 Jerusalem aw nangma laizangah
TOPA tunga ka kiciamnate ka tangtungsak ding hi. ^x
TOPA ^{▼▼ 19 Hebrew in Hallelu Yah;} phat un.